කොළඹ තදාසන්න ප්රදේශය තුළ දුම්රිය සේවාව නව මුහුණුවරකින් ක්රියාත්මක කිරීම සහ ඊට අදාළ සැලසුම් පිළිබඳ ජනාධිපති අනුර කුමාර දිසානායක මහතා සහ ප්රවාහන සහ මහාමාර්ග අමාත්යාංශයේ නිලධාරීන් අතර සාකච්ඡාවක් අද 2026/04/29 පෙරවරුවේ ජනාධිපති කාර්යාලයේදී පැවැත්විණි.
කොළඹ තදාසන්න දුම්රිය ව්යාපෘතිය (Colombo Suburban Railway Project) පිළිබඳව මෙහිදී පුළුල් ලෙස සාකච්ඡා කෙරුණු අතර එම ව්යාපෘතිය යටතේ
ක්රියාත්මක
කැලණිවැලි දුම්රිය මාර්ගයේ මරදාන සිට මාකුඹුර,
ප්රධාන දුම්රිය මාර්ගයේ කොළඹ කොටුව සිට රාගම,
මුහුදුබඩ දුම්රිය මාර්ගයේ කොළඹ කොටුව සිට පානදුර දක්වා
පළමු අදියර වශයෙන් විදුලි දුම්රිය ව්යාපෘතියක් ආරම්භ කිරීමේ සැලසුම්, මුල්ය ප්රතිපාදන සපයා ගැනීම සහ මෙම ව්යාපෘති ක්රියාත්මක කිරිමේදී මතුවිය හැකි අභියෝග පිළිබඳවද මෙහිදී පුළුල් ලෙස සාකච්ඡා කෙරිණි.
ඉදිරියේදී වර්තමාන දුම්රිය සේවාවට සමාන්තරව විද්යුත් දුම්රිය සේවා ක්රියාත්මක කිරීම, දැනට පවතින පුළුල් පළල (Broad Gauge) වෙනුවට සම්මත පළල (Standerd Gauge) ලෙස දුම්රිය මාර්ග ප්රතිසංස්කරණය කිරීම ඇතුළු සැලසුම් සහ මෙම ව්යාපෘතිය ලබන වසර මුලදී ආරම්භ කිරීමට මෙහිදී තීරණය කෙරිණි.
